{"id":1393,"date":"2022-03-03T10:58:06","date_gmt":"2022-03-03T10:58:06","guid":{"rendered":"https:\/\/friendsofafriforum.com\/364-plaasmoorde-in-ses-jaar-slegs-33-gearresteerdes-skuldig-bevind\/"},"modified":"2022-03-03T11:04:19","modified_gmt":"2022-03-03T11:04:19","slug":"364-plaasmoorde-in-ses-jaar-slegs-33-gearresteerdes-skuldig-bevind","status":"publish","type":"post","link":"https:\/\/friendsofafriforum.com\/af\/364-plaasmoorde-in-ses-jaar-slegs-33-gearresteerdes-skuldig-bevind\/","title":{"rendered":"364 plaasmoorde in ses jaar, slegs 33% gearresteerdes skuldig bevind"},"content":{"rendered":"\n
Die burgerregteorganisasie AfriForum het vandag \u2019n omvattende verslag oor plaasaanvalle en plaasmoorde tydens \u2019n mediakonferensie bekendgestel. Die verslag verskaf \u2019n oorsig oor die kenmerke van plaasmoorde oor die afgelope ses jaar (van 2016 tot 2021). Gedurende di\u00e9 tydperk is 364 plaasmoorde geverifieer.<\/p>\n\n\n\n
In sy verslag beklemtoon AfriForum die swak arrestasie- en skuldigbevindingskoers van oortreders wat in daardie tyd by plaasmoorde betrokke was. AfriForum het die inhegtenisneming van verdagtes en die skuldigbevinding van oortreders met behulp van \u2019n oopbron media-analise ondersoek en beoordeel.<\/p>\n\n\n\n
\u201cTydens plaasmoorde is gemiddeld 47% van aanvallers wat bekend is, in hegtenis geneem, maar net 33% van die gearresteerde oortreders is skuldig bevind. Dit is werklik skokkend en toon hoe die strafregstelsel slagoffers van plaasaanvalle in die steek laat,\u201d s\u00ea Ernst Roets, AfriForum se hoof van beleid en aksie.<\/p><\/blockquote>\n\n\n\n
Die verslag het ook bevind dat daar nie \u2019n enkele jaar is waarin marteling nie plaasgevind het nie en dat gemiddeld 15% van die slagoffers van plaasmoorde gemartel is. Volgens Johan Nortj\u00e9, \u2019n navorser by AfriForum, is hierdie tendens uiters kommerwekkend en daar moet dringend aandag daaraan gegee word. In 2020 is 24% van die moordslagoffers gemartel. \u201cDit wys dat plaasaanvalle nie net \u2019n gewone misdaad is nie en geprioritiseer moet word,\u201d s\u00ea Nortj\u00e9.<\/p><\/blockquote>\n\n\n\n
Die verslag beklemtoon ook die volgende:<\/p>\n\n\n\n
Die meeste gedokumenteerde plaasmoorde het in Gauteng voorgekom en die minste in die Noord-Kaap.<\/li>
Meer as 50% van die moorde het op plase plaasgevind, nie op kleinhoewes nie.<\/li>
Die gemiddelde ouderdom van slagoffers was 57, en die meeste moordslagoffers was manlik.<\/li>
Hoewel die meeste moorde tussen 18:00 en 20:59 gepleeg is, vind dit enige tyd van die dag plaas.<\/li>
Skietvoorvalle was die hoofoorsaak van dood by 52% van die moordslagoffers wie se oorsaak van dood bekend is.<\/li><\/ul>\n\n\n\n
\u201cIn die lig van die aantal moorde en die marteling van slagoffers op plase is dit nodig dat boere hulself begin beveilig. AfriForum poog om boere en hul gesinne meer weerbaar teen plaasaanvalle te maak en sal voortgaan om projekte, aksies en veldtogte te dryf om ons boere veiliger te maak en hulle te ondersteun waar ons kan,\u201d sluit Roets af.<\/p><\/blockquote>\n\n\n\n
![\"\"](\"https:\/\/afriforum.co.za\/wp-content\/uploads\/2022\/03\/Plaasmoord-Holding2-1024x576.png\")
<\/figure>\n<\/figure>\n","protected":false},"excerpt":{"rendered":"